Bıyl elimizdiń «Isker áıelder» qaýymdastyǵynyń qurylǵanyna 25 jyl. Osy ataýly sharaǵa oraı oblys ortalyǵynda ótken «Eńbegi janǵan arýlar» atty respýblıkalyq forýmǵa qaýymdastyqtyń óńirlerdegi fılıal ókilderi qatysty.
Qaýymdastyq prezıdenti Raýshan Sársembaevanyń aıtýynsha, buǵan deıin forým otyrysy Aqtaý, Soltústik Qazaqstan oblystarynda ótkizilgen.
Jıynǵa Prezıdenti janyndaǵy Áıelder isteri jáne otbasylyq-demografııalyq saıasat jónindegi komıssııa tóraǵasynyń orynbasary Elena Tarasenko qatysyp, óziniń bastaýysh synyp muǵaliminen Parlament Májilisiniń depýtaty bolǵanyn aıtyp berdi.
Jıynǵa qatysqan oblys ákimi Bolat Baqaýov óńirdegi bilim, densaýlyq saqtaý, mádenıet, memlekettik qyzmet salasynda qyzmet etetin áıelderdiń úlesi 70 paıyzǵa jýyq ekenin atap ótti.
Sonymen qatar shaǵyn jáne orta bıznes kásiporyndarynda 130 myńnan asa áıel eńbek etýde. Jergilikti atqarýshy oryndar basshylarynyń 37 paıyzy áıelder.
Jıyn barysynda eńbekqor, isker áıelder marapattaldy.
Forým qaýymdastyq músheleri úshin uıymdastyrylǵan semınar-trenıngke ulasty.
PAVLODAR
Sýretti túsirgen: Valerıı Býgaev